الطفل المعجزة

لكل زمن معجزاته ، هناك معجزات تاريخية وفكرية وإلهية ،توارثنها اباً عن جد، هناك بعض التحريفات بها، لان كل منا يتدولها مع الاخر باسلوبه الخاص ويمنح للمعجزه التاتش بتاعه من وجهة نظره، معجزة اليوم هي طفل مولده اليوم، هو معجزة بكل المقاييس وهذه قصته دون تحريف،. ٨ نوفمبر اعطى الله الامر لملك الارحام ليبسط جناحيه لفريد ياسر سنبل عند خروجه من رحم امه، جاء الى الدنيا فريد وهو اسم على مسمى، والتهاني والدعوات انهالت على ابويه، اللهم زد في عمره، اللهم اجعله قره اعين لهم، اللهم ازرقه الرزق الواسع، اللهم بارك فيه واجعله من الصالحين، مبروك يانينو ماجالك، الف مبروك يا حبيبتي ويلكم تو ذا كلب، الف مبروك تو يو اند ياسر عقبال ماتخاوه، وهلم جر، عدت ٣ سنين ، والمخلوق الي كان في اللفة بقاله صوت وشخصية، شخصية مثيرة للجدل، فريد يعطي انطباع انه الهدوء بعينه ولايتكلم كثيراً مع من لا اعتاد على رؤيتهم، ولكن اذا اعتاد على رؤيتك ، فهو يتحول الى خالتي اللاتاته، فريد في مرحله " ليه" و " ايه ده" مرحلة تحتاج لرابطة جأش رهيبة حتى لاتفقد السيطرة على نفسك، بس في الاخر مرحلة وحتعدي يانينو، المصطلاحات التى يستخدمها للتعبير عن اي شيء تصيب قلبك بالحب والدهشه انه بيجيب الكلام ده منين؟؟؟؟، لما يحب ينادي على امه ، ( ملحوظة: فريد شديد الارتباط بنيهال ويتعامل معها على انها من ممتلاكاته الخاصة ) يقول ايه بقي لما يناديها ، نيهال تعالي انا عايزك ، ومش اي عايزك تقال، عايزك بمحن شديد للغاية، تقوم نيهال راميه اي حاجه في ايدها وفازة من مكانها من شدة المحن وتذهب لتلتقطه بين زراعيها، حيكون جايب المحن منين اديكو عرفتوه، وساعات لما انا عايزك تتقال كتير دون استجابه من الطرف الاخر، يتم اضافة الجملة السحرية ، محن المحن ، انا عايزك انا بحبك، نيهال بيغمن عليها من واقع الكلمة على قلبها وتكاد تتدألج وتقع بوم على وشها من اجل عناق المحن، خد بقى على كده طول اليوم، كهين كوهن الواد ده، ده غير كلامه الي معرفش بيجيبه منين ، زي دون اي سابق انذار اثناء تلميع الاوكر ومامته بتتكلم ، يقولها مع فتح زراعيه وعلامه التعجب مرسومه على وجهه " ايه الموضوع يانيهال؟" وبعدين الاكل عبارة عن كونه اي مكارونا طول اليوم كونه كونه، او سيريال باللبن بس شرط ان يكون السيريال حبه صغيرين، كل مايطلب حاجه يقولك حبه صغيريين ، طفل قنوع، لو حصل ان نيهال زعقت لفريد وحصل زعلة كبيرة بينهم، يعني وغصب عنها كده زقته زقه تكاد تكون اي كلام ، فريد" انتي ضربتيني؟؟؟" اي  حاجه عند فريد بالمنطق ده، لو نزلت من العربية مع انها رايحة تتطلعه من الكار سيت، فريد " انتي حتسيبيني؟؟؟" كله مع ضم الشفة الى الامام والنظرة الى الاسفل لسباكة دور الغلبان، سهوكة سهوكه سهوكة ٣ سهوكه يافريد. تعرفون جميعكم قعدة القرفساء، القرفساء عند فريد لها اوقات عديدة في جدول يومه ، وذلك لذهابه في ركن بعيد وهادي دون ان يتكلم مع اي مين بالذي، وياخذ وضع القرفساء ويبدا في عملية الكيكي ، ومع اتمام المهمة يقوم بمنتهى السرعة من الوضع الذي كان عليه وينطلق في اللعب والتنطيط حتى تنبسق الراءحة الي انف امه وتعرف انه عملها، فريد من الاطفال النادرة جداً الي تاكل وتشخ علطول مع انه بياكل حبه صغيريين. نيجي بقى لنيهال وكلامها معاه قال ايه كوكو بالصوصو بتدلع الاكل عشان ياكله، فريد اناعايزه اتكلم معاك في موضوع انت اسلوبك مش عاجبني، ولا هو هنا اصلا بيبصلها ويضحك ، قال تقوله اداءك مش عاجبني، يعني كان عملك اي استجابه لما قولتي اسلوبك عشان تقوليله اداءك، مع شمس المغيب يزداد النشاط والحيويه لدى فريد ويبدأ بالجري كالمجانين والتنطيط وتزداد احتمالية التايم اوت الذي بدأ يعتبرها لعبة ان يذهب الى غرفة المكتب ويتم اغلاق الباب عليه، في الداخل عجلة وعربية بيلعب عليهم لحد مايمل ويبدأ في التوسل من اي حد معدي يطلعه مع بعض من المحن والسهوكة المعتادة، ياترى لسه فاكر ذهب الليل وطلع الفجر ولا نسيتها، طب فاكر فيرجينيا وطنط، وبكيزة وزغلول، ياترى عرفت ان القنبلة في الكاندي كراش مش طنط الي بتجبها، ازي بوجي لسه مقلعه ولبسته، والمكيروروز اتدغدغ ولا لسه، وعامل ايه في الحضانه، وجون سينا وسبونش بوب عملين ايه، نيهال عارفه السكه ولالسه بتقولها طريق المول، بتشوف النافورة كل يوم ولا نسيتها، ياسر جيه ولا لسه، لسه القرفساء شغاله ولا عملت البوتي ترينج، لسه بتمثل انك بتكح، عامل ايه مع ايسي، لسه بتسمر امك قدامك في البلاي اريا ، عامل ايه مع دانا، بتساعد ماما، سألت خالك كام سؤال لما جالك، لسه كل حاجه تقول أوولا ولا بطلت، لسه فاكرني ولانسيتني. كل سنة وانت طيب وعقبال السنة الي جايه والي وراها والي ورها  والي وراها ...........  امضاء ام بكيزة وزغلول