أمل بدوي

٢ نوفمبر ، يوم ليس كأي يوم ، ففي ذلك اليوم تم تتويج هيلا سيلاسي امبراطورا على اثيوبيا ، سنة ١٩٣٠، وكان يوم ذو طابع خاص تجمع كل الاثيوبيين بملابسهم المبهرجة وكل منهم  اصطحب ابنه الاثيوبي الصغير كي يشهد ذلك اليوم ، وتدون ذاكرته ملامح هذا اليوم الذي يكتب للاثيوبيا تاريخ جديد، مع انه كان ملك من سنتين بس، لكنه عجبته كلمة امبراطور ، قال لابد من حفلة تتويج للقب الجديد، ووقفت بجواره وساندته في قراره زوجته منن، بس ان جيته للحق الراجل مخدش اللقب وركن وقعد على الكرسي، لا، ده عمل شغل جامد ، اول دستور كان في عهده، ونعنش الحالة الاقتصادية والاجتماعية للبلده، الله يرحمه ويبشبش الطوبه الي تحت راسه، دي نبذه عن الاحداث ٢ نوفمبر ، استوقفني برده ان في اليوم ده ، كان مولد ماري انطوانيت الف رحمة ونور عليها، وانا بفر في مواليد اليوم ده، يوم تتويج هيلا سيلاسي، وجدت ان هوت سبوت قلبي اتولدت في نفس اليوم، يالها من صدفة تستحق وقفة، الهوت سبوت هي امل بدوي مرات اخويا، بس قبل متكون مراته هي اختى الصغيرة ، وده مش كلام وبس، اينعم ان وراها عيلة ممكن تقرقشني لو كتبت حاجه كده ولا كده بس انا مبيهمنيش #ايمان بدوي، امل لفت على الواد اخويا اكمنها لبنانية ونغشه واللكنه اللبنانيه وهيك وهونيك والكلام الملخبط ده، تيجي تسمع من ناحيتهم بقى يقوله ده هو الي لف عليها وسيبها بلادها وطار بيها على كندا والبنت لستها صغيره مع فتح الصاد ، بس خلاص ياجماعة عيب كده الكلام مش حيفيد، الي حصل حصل ، اديها اتجوزت واتستت وكمان خلفت، صحيح معكوكة في الغربة بس واحدة واحدة حتتودك وتبقى سوبر ويف ومازر، هو صحيح سيبها بلادها وودها بلد ساقعة جدا واموي يعني سوفيفة تتحدى وزن النملة يعني حبة هوا ساقع تتجمد وهي واقفة، دعونا من هذه المهطارات،  لتس توك سيريس ناو، تتميز امل بصفات متشقلب كيانها حبيتين، زي مايكون جواها اتنين امل، بيخانقوا بعض طول النهار، ،امل المحبة لحايتها، وامل المتمرده على نمط حياتها، واسباب التمرد عدة، غربة وسحل يومي مع احمد، من صباحة ربنا لحد وقت نومه، ده غير بقى عمر ظابط نفسه على السيلنت مود كلامه قليل ده اذا اتكلم ، ممكن يقضيها هز راس على اسءلتها ، بتصعب عليا اتربيت في مجتمع لبناني كلامه معسول تقبرني هلضحكة، نعيما حبيتي، شو مهضوم هلفستان بيعقد عليكي، صباح الخير على عيونك ،وكلام ناعم من الي قلبك يحبه، اتصدمت يا كبد امها ، ولقيت كلام تاني، عايز افطر، عايز شاي، عمله ايه في الفرن، فين فردة الشارب الابيض، مفيش غدا النهارده، وكلام الزوج المصري الاصيل، الذي لايترك مجال للرومانسية ان تتوغل في حياته الا في حالات نادرة جداً، ولكن لا ستطيع الانكار ان امل كان لها دور ايجابي في التأثير على اسلوب حياته فاصبح متكلم جدا، كلها سنتين كمان ويتقشلب كيانه، وكمان امل عليها بوز اذا تم زغزغته  يتم ارتداءه حتى تتنتهى الغارة النكدية بصلح وبعض الكلام المعسول او زغزغته على الجانب الاخر حتى يرجع البوز للطبعه الاول وهي الابتسامة، فولت الكهربا عالي شويه عندها فلذلك لا انصح باللعب في فيوزتها، الا اذا كنت مدرك عواقب ما انت مقدم عليه، اذا شاءت الاقدار او ان احد تلاعب بأي من مخططتها فان الوضع يكون كارثي العرء اللبناني بيطلع وتبدأ البرطمة بكلام غير مفهوم من الممكن ان تكون تعويذات ولله واعلم، او ممكن تبرطم بالفرنسي، امل لهلوبة في الفرنساوي مش الفرنساوي بتاع جون وجاك ومونيك، لا ، فرنساوي بحق وحقيقي من اول الجازوه لغايت الديماكييوه، ده غير ضلاعتها في للغة العربية بسم الله مشاء الله، حاجه لوز اللوز ، يازينة ما اخترت يا اخويا فعلا جمال وذكاء ارجو ان كلامي ميكنش زعلك، انتي عارفة انتي غاليه عندي اد ايه ومش كلام وبس ده انتي الوحيده الي شفتيه الي محدش شافه في الوتر بارك، هازي بازي يويو اموي