٢٦ ديسمبر عيد ميلاد خيبرة الموضة والتجميل المحلية وعقبال متوصل للعالمية كنزي سليمان، وايضاً الكو فوندر لبيرل إكسيسوري. منذ نعومة أظفارها وهي تتبع جميع احداثيات الموضة ، ملمة بكل (التيبس والتريكس) للمكياب ولا اكنها امينة شلباية عصرها. البهجة والسرور تتلخص عند ملكة الانتكة في ان رسمة (الايلينر) مضبوطة اوي المرة دي، وإذا يوم هاجمها شبح الگاءبة، ده احتمال كبير يبقى ضفر انكسر. لو مكياچك مش مظبوط حتواجهك، ولو مظبوط حتحل البركة عليكي. لو قبلتك مشاكل زي ان شعرك مقصف اوي، ما عليكي غير انك تكليمها وهي حتقولك على وصفاتها السحرية لحل المشكلة. بتقرقضي ضوافرك ونفسك في حل، حتدلك على المكان الصحيح الشهير بالتخصص ده، تروحي بقى تظبطي ضوافرك وتحطي ضوافر كمان ومتنسيش تدعيلها. اجمد انواع الروچات واقلام الحواجب، الروچاچوه، وطبعا البيز والفونديشين حتلاقيه في شنطتها، وبرده احلى برفان في شطنتها، من الاخر كده كنزي متقدرش تمسك عليها حاجه. الموضوع غير مقتصر على الميكاب، ابسولوتلي، مجلات بيوت الازياء العالمية بتبعتلها تستفيد من خبرتها، ده الغير اللبس والعطايا الي بيبعتوها، امااااااال، إنتوا فاكريييين ايه، دي مششششهههورررة اووووووييييي. الموضة شرشرة كنزي مشرشرة، الموضة مقطعة كنزي مقطعة، الموضة قصيرة ، كنزي مقصرة، الموضة مشلحة، كنزي مشلحة، مفيش تقلعية طلعت وكنزي خلتها تعدي مرور الكرام. عند دخولها اي كوافير، اوعوا تبقوا فاكرين انها زييينا تروح تقعد على الكرسي وتسيب نفسها، ابداً إطلاقا. لو كنتي من سعداء الحظ الي كنزي اصتحابتهم معها لدى الكوافير، لترميمك كليا ، حتلاحظي الآتي من الاول ما توصلي، وانتي عند السايس، مش حتبطل تقول ازيك عامل ايه مع ابتسامة عريضة. جوه بقى بهو الكوافير، سيبلها نفسك، حتجبلك الي يغسلك ويقصلك ويسشوريك، حواجبك وشنبك احسن واحدة في المكان حتعملك مش حتسيبك للهواه. ده غير بقى أنها بتدي تعليمات يعملوا ايه وميعملوش ايه. كنزي المقالة دي مش تريقة ولا تقليل من شائنك، ده جزء بسيط من كم البوتنشيل الي عندك الي لازم تتوظف بطريقة صحيحة. خشي بصي كم البلوجرز الي بيتكلموا في الموضة ووصلوا لإيه، حطي نفسك على الطريق الصحيح، واعملي الصح. تخيلي كده نفسك بتشاركي في ميس يونيفرسال بعد ما بقيتي بلوجر موضة مرموقة مثلا كنزي سبوت، او كيه فور كنزي. كل سنه وانتي طيبة ماي شايد هود فريند، لاڤ يووو❤️❤️❤️💋💋💋🎀🎀😘😘😘😘
انتشرت الايام الي فاتت حوار البنت اليزيدية الي قابلت السيسي، وطبعا لجهلي الشديد كنت فاكرة ان اليزيدية بلد في العراق زيهم زي الاكراد كده، هما صحيح اكراد بس مش بيحبوه ان يطلق عليهم انهم كرديين بل يعتزون انهم يزيديين، الي هي ديانه. هما موحدين بالله الحمدالله، وعارفين ان فيه حساب، ويوم قيامة، وبيحجوا، ويصموا ويصلوا ويتجوزوا، وكتاب مقدس، ومكان مقدس، وطائر مقدس، ايون طائر. كنت اتمنى اني الاقي معلومات في كتاب اسلام بلا مذاهب لدكتور مصطفى الشكعة، لكن اليزيدية لم تكن في كتابه. اهم ما لفت انتباهي في هذه الديانه بعد الدقيق والتمحيص في كل المواقع، والدخول على مواقع خاصة بهم، وصفحات السوشيال ميديا التي تمثلهم، وايضا انتقلت لبروفايلات يزيديين في العراق، واكتشفت الاتي وبرده الله واعلم، بس حبيت ان اشاركم بالمعلومات دي: - 80% منهم في العراق غرب الموصل في مدينة سنجار،وشمال الموصل حول وادي لالش. - اصل ديانتهم تعود الي قبل ظهور كل الاديان حسب معتقداتهم، حيث يعتقدون انهم ابناء ادم فقط دون حواء (حاولت اعرف ازاي فكرهم وصلهم لكده اتصدمت: ادم وحواء اختلفوا، كل واحد حط شهوته في اناء، بعد...
تعليقات
إرسال تعليق