الدونز فاروق طلعت

حبه فوق حبه فوق وحبه تحت حبه تحت ،غرامك مزيف ضميرك عدم هوايتك عشقتك كرهتك نعم، رايه في البالكونه شاره على العربيه زملكاوي وعيلتي كلها زملاكاوية، فيها حاجه حلوة حاجه حلوة منا،  ايه الاسا توك ده الي ماشي يتوك ده، رجعوني عينيك لايام الي راحوا علموني اندم على الماضي وجراحه ، قلبي دق قلبه هو ليه مادق ولا قال حبيت، كوليكش مضروب في الخلاط ما بين السكلنس والسلطنة وحاجات تانية كتير تخيل ان في شخصية كده ، ايون، هي دينا فاروق طلعت ، ام حسين وعبدالرحمن ، ايتش يور بيرش داي، ايتش يور بيرش داي، وانا بمناسبة ديا عايزه اتكلم عن دينا الانسانه، وبعد عدة استطلاعات للرأي وادخال البيانات على الاس بي  اس اس ، ظهرت النتاءج التالية دينا شخص طيوب ، شخص حبوب ، شخص كيوت، شخص حساس ودمعته قريبة، ايه الكلام الي لا يودي ولا يجيب ، انا بقول دينا الانسانه تقولي الكلام الفارغ ، اذا كنت تريد حقا التعرف على شخصية مدام دينا برجاء الاتصال على الخط رقم ٠٩٠٠٧٧٧ او تيجلي وانا اقولك ،  دينا لا يمكن ان تكون شخصية عابرة في حياة اي فرد ، مفيش حد يعرفها ومتكنش عملة بصمة في حياته، هي شخصية منتشية الحيوية، رايحة جاية، جاية رايحة، شغل بيت تمارين فن كاسل مدرسة مذاكرة وجبات سندوتشات وفوق كل ده مش نسيا نفسها اي بودها مليء بالليتست اللبومز ، علطول اب تو ديت بسم الله مشاء الله ، ماتشات ، دوري انجليزي ، دوري مصري، مونديال كله متبعاه ، دينا لاتترك مجال لوقت الفراغ ان يخترق حياتها، ، ارب ايدول متابعة، احمد عز وزينه الله يخرب بيتها متابعة ، ذا فويس وايفيهات شيرين وطعامة كاظم متابعة ، حتى ارب جت تالنت مسلمش منها، الدايت واخد حيز كبير في حياتها مع انها فرعة وشبه السلاية بس عندها اعتقاد دايما انها سمينة ويتش اذ نوت ترو، دينا نقدر نقول انها تمثل المثالية بالنسبة لي ، هي خليط من الثقافة مع الهيافة، الوطنية والروح الزملكاوية، الدم الخفيف الي ساعت يقلش مع  قليل من باد مود، الحجاب والشياكة ، الرجيم وكحك العيد، الطرب الاصيل واغاني الثمانيات والسكلنس مود، الالماني والفرنساوي والانجليزي، الامثال الشعبية والثقافة الغربية والحكم التاريخية والفروض الألهية ، صيام عرفة والبيض والمسجد النبوي الشريف، فن الطبخ والاكلات المحشية، وفوق كل ده وده شابوه على حياتك الاجتماعية. كل سنة وانتي طيبة