التخطي إلى المحتوى الرئيسي

احمد عمر عبدالعزيز

الارض كندية والاصول مصرية لبنانية واكتوبر شهر ميلاده والنهارده عيد ميلاده، في ظل المورستان اليومي الذي اشهده كل يوم اكتب لك هذه السطور عزيزي وابن اخي احمد عمر عبدالعزيز ايها المايتي كيوت والسوبر لفلي كيد اليك بعض النصاءح، مامتك ايه كيه ايه هوت سبوت قلبي لما تبعد عنك وتروح الحمام او المطبخ هي مش مهاجرة دي جايه تاني، يعني حتسيبك وتروح فين، فامفيش داعي للكستريم في العياط والمرمغة في الارض وشغل الذي فقد عقله، هل يمكن ان تبدأ صباحك دون احداث حالة من الهرج والمرج والفوضى العامرة، مش لازم تجيب عاليها وطيها كل يوم، يعني سيب الحاجات الي على الطرابيزه في سلام يوم واحد دول حتى ملوا من رميهم وحطهم تاني مكانهم،وعندما ياتي المساء في تمام الساعة الثامنة مساءاً وياتي وقت نومك تم وضع خطة روتيتنية محكمة بشأن ذلك من قبل الست الوالدة وهو دوش مع بعض الالعاب المصاحبة لك داخل البانيو من اجل متعتك الخاصة ثم ياتي بعد ذلك تجهيز بزازة اخر اليوم التي قد تحتوي على مواد مخدرة في ظني بناءاً على حالة الغيبوبة التي تصيبك اثناء تنوالها وفي هذا الوقت تقوم اللجنة المنظمة للخطة الروتينية وهي هوت سبوت قلبي امويي بقراءة الورد الليلي عشان ربنا يهديك ويبارك فيك ، ثم فجاءة تستقيظ وتدرك انه تم التلاعب بك حتى يتم استدراجك للسريرك ، هنا فقط وعند وضعك في السرير في تمام العاشرة مساءاً تقوم باستخدام طبقتك العليا في البكاء التي تخترق اذان  جميع البشر على كوكب الارض وجميع الفضاءيين في الكواكب المجاورة، مع ان ده بيحصل كل يوم بس برده بتعيط بجد بجد بحد جت اوفر ايت بقى ونام من سكات.  احب اقول لك انك محاط بأسرة لبنانية من جهة ومن أسرة مصرية من جهة اخرى والاتنين بيحبوك ليك كريزي، والاتنين لازم يعملوك دونلود للجيناتهم المميزة ،خلينا نتكلم الاول على القاءمين بتربيتك ، عمر عبدالعزيز لازم تعمل تدونلود دهاءه ودبلومسيته وذكاءه، اما امل بدوي حتما ولابد تدونلود خاصية الحب بلا مقابل والثقافة الفكرية والعبقرية اللغوية، اما عن باقي الاطراف المعنية بتربيتك فعندك جدك الدكتور عبدالعزيز محمود ده لازم تاخد السرفير بتاعه كله وتعمله باك اب كمان ،وطبعا جدتك لبنى العدوي مينفعش متسحبش منها روح التسامح والطيبة والحنية ، واكيد لازم تاخد الابداع الفكري والعقل الذي لا يتوقف عن العمل كي يبتكر الرجل الثوري بدرجة امتياز جدك الدكتور جمال بدوي ، نيجي بقى لست الكل جدتك زينه بدوي ان كنت تقدر تاخدها كلها خدها بلا تردد واهم حاجه لازم تدونلودها منها التضحية والصبر، نيجي بقى للي حيربوك بجد ويدلوك جينات غاليه عليهم اوي اولا بيقولوا الخال والد وانت عندك خالين ، اكبرهم عبدالرحمن بدوي خد منه حسه الفكاهي الشديد وجنونه وحبه للمغامرة ، اما اصغرهم وهو بلال بدوي برده دمه خفيف المضروب اهو زيادة الخير خيرين بس اوعى تسيبه لحد ما تاخد منه اصراره وطموحه اما بقى نونه المجنونة الي هي خالتك ايمان بدوي فدي هي الي حتديك من غير متطلب ، اما بقى عمك العزيز عبدالرحمن عبدالعزيز، لازم تعمل دونلود لفيل ملاغية البنات عشان تبقى واد شقي ومتكحرت واوعى تاخد منه اسلوبه في القاء النكت عشان اسلوب بيتوه وانت في نص النكته، واخيراً انا عمتك ياسمين عبدالعزيز ممكن اكون مش ذات مميزات خاصة او انا مش شايفها بس انت اكيد حدور علي الي يعجبك فيا وتاخده مني - كل سنة وانت طيب العمر والرزق الطويل ليك   

تعليقات

إرسال تعليق

المشاركات الشائعة من هذه المدونة

انا دانا

انا دانا انا دندن فتح عينك تاكل ملبن، اول حاجه جت في بالي زي النهارده لما صديقة الطفولة ولدت بنتها دانا، مع العلم ان سونارات اسكندرية كلها احتارت في امرك يا دندن وكانوا شايفينك ولد، ولكن بحمد الله تم التأكد من انك بنوته.  وانا أمك بطننا كانت بتتكلم عنها هيوتسن كلها، وي بيين ثرو الوت، مولات، شوبينج، ستار باكس، وديكافينيتت كوفي، لسين تو مي اوباما، ده غير يوم الحموضة العالمي، بسبب اكلت سجق متحبشه تحبيشة بنت حرام. بس أمك يا دندن كانت الاستايلش برجنينت اون آرس، حاجه اخر الاجاه، وبنفس المنطق كانت بتعلمك شوبيج ولا اجدعها استاليست، كان في ميخيلتها تنافس نورث وست بنت كيم كارداشيان. صحيح انك نبر تو، بعد ما كان بتاع الكوكو بالصوصو فريد بيه على الحجر، وكان ولا بالطبل بالبلدي حد يحل مكانه عند مامتك، ولكن عند مجيئك اختلفت الموازين، واثبتت أمك ان قلبها يساع كل فلاذات أكبادها. بغض للنظر عن مزاجك المتقلب وميولك الي باينه من عينك في الشقاوة، ودماغك الناشفة وعندك في الرضاعة، قال ترضع بليل وبزازة الصبح ولا العكس مش فارقة، جايبه الدماغ دي منين يادندن، دي أمك واحدة ست قنوعة راضية بنصيبها. مش عايزكي تقول...
إرسال تعليق
قراءة المزيد

البيسا

هناك الكثير يمتلكهم الريبة الشديدة عند تلفظ احد أمامهم بهذا الاسم، البعض لا يحب الخوض حول مايدور بخصوصه، ويكتفون بالنظر في الفضاء حتى لا يلتقط هذا الاسم تردد صوتهم اذا خاضوا في الحديث عنه، نعم تردد صوته، لان صاحب هذا الاسم يمتلك صفات خاصة بجني قديم كان يطلق عليه اسم يصفيديش، ولكنه من الجني الطيب، وكما تعلمون الجن صاحب قدرات خارقة، وقد ورث هذا الاسم العديد من القوى الخارقة، فهو يعرف دبة النملة، لايمكن لشيء ان يعترض معرفته باي شيئ، تررعع هذا الكائن الذي لا اريد ان اذكر اسمه حتى انهي المقالة في شمال لوران ، وله قرين اسمه افريسينج، لازمه منذ طفولته، واعطاه اسرار كثيرة تتعلق بالعالم السفلي، وكان يساعده في كثير من الامور، وعندما نضج صاحبنا هذا اختلف بعض الشيئ مع قرينه ، لان الاخير كان لا ينفذ اوامره، وكان يريد ان يكمل مشواره الرياضي في السباحة، ولكن ضغط عليه حتى توقف افريسينج عن حلمه ، وبدأ مباشره اعماله التى كان يعده لها طيلة هذه السنين، وكانت اول اوردر له عملية بسيطة جدا وهى دراسة احصائية عن كل اسرة في الاسكندرية من شرقها لغربها، كم عدد الاسرة ، العنوان، اصول هذه الاسرة، وكيف جاءت الي ال...
إرسال تعليق
قراءة المزيد

السرسجي

أيها السرسجي كونك محسوب على النوع الذكري يجعل الامر مثير للإشمئزاز، يعني حضرتك تتمتع بعدة ألقاب وصفات لا تمت لك بصلة وأولهم الرجولة، صدق الي قال الرجولة في خطر، والقصد من الخطر الي بتكلم عليه هو الإنقراض، يعني الرجل معرض للإنقراض زيه زي الكنجرو، يعني الرجل حيبقى غير موجود بالوجود.                  الكارثة انه هناك تعتيم من الاعلام المصري والدولي بشأن هذه الكارثة الطبيعية، وانا لا ألوم الاعلام فليس بيده حيلة يا كبد امه، مضحوك عليه وغسلين مخه، ومشغول ومركز في أمور سياسية مفبركة، كأحداث الثورة، ٢٥ يناير و٣٠\٦ ، الانتخابات والاستفتاءات، والسيسي حيترشح ولا لأ ، ومظاهرات تأييد ومظاهرات تنديد، والسيسي قاتل السيسي خاين، محاكمة مرسي من داخل القفص الزجاجي، ومستر دبدوب (المقصود مصطفى النجار)، برنامج باسم يوسف يتوقف ويرجع تاني كل شويه، وسما المصري وقناة فلول، وهيفا وحلاوة روح، وزينه واحمد عز، احمد حسام ميدو بقى المدير الفني لزمالك، محمد صلاح راح شيلسي وهاش تاج #نزل صلاح،  وقال ايه فيه حاجة بين شرين عبدالوهاب والقيصر ده بعدها ده لما تش...
إرسال تعليق
قراءة المزيد