Dalia birthday

لا مش انا ابكي ولا انا اشكي ، عجبتني الودان دي، مش اي حد يحب الاغنيه دي، دماغ متكلفة متسلطنه متودكه في الموسيقى الراقية. المكان معهد الانتاجيه والجودة ٢٠٠٧، بنت لسه متخرجتش من الجامعة، معرفش بقى نظرا لشقاوتها ابوها قال يحجم لجامها ويشوفلها شغلانه ولا ايه، داليا الدفرواي، اختي الصغيرة، رفقية الكفاح، زميلة مكتب اللاب او حقل تجارب الفئران الي كنا قاعدين فيه، بس الحمدالله ربنا كرمنا بمكتب محط أنظار كل مكاتب المعهد، لكن يشاء القدر ان تغادر وتتجه الى ميامي حيث الكافتريات المتنوعة أشي توست وروزبيف، وجبنه سايحة، وكلب ساندويش،  وبيتزا بدل بيتزا فتح الله الغارقه في الزيت، والله وبضيتلك في القفص يادي، اي نو ايم تو ليت، بس زي ما بيقول المثل الامريكي الشهير ليتر بتر ذان نيفر، هاذي باذي يويو دي. داليا لم تعطي مجال لأحد ان ينظر لها نظره الفتاه المدللة، فهى شخصيه يحتذى بها، قويه، طموحه، سريعة التعود والتأقلم على اي شئ، حمالة آسية، قراراتها متهورة، تذكرني بالڤنتا في انتفعالها، اذا تم رجها تحدث فواران غامر ولا يمكن السيطرة عليه الا ان تهدا هي بمفردها. في ذلك الحين يسيطر عقلها على لسانها وتنطلق في طرح الأفكار المرعبة ، وتتخذ قرارات شبه مختلة، وكل ده تبات نار تصبح رماد، تلتزم الصمت اليوم الثاني مع فردة شراب ملبوسه في وشها، ممكن على الاخر النهار نسمع عطسه مثلا او تنهيدة، شئ من هذا القبيل، تالت يوم لو دخلت علينا بكوفي من ستار بكس تعرف ان مستعدة ان تدير حلقة الحياه في المكتب تاني. دي على المستوى المهني اكثر من ممتازة ودليل على ذلك انه تم تقدير مجهودها ونقلها الي ماهو أفضل لها، صحيح ان حفتقد حاجات كتير لما ارجع الشغل ومتكونيش موجوده، بس حقول ايه ممكن بقى أبقى اخد مكتبك. اما داليا المستوى الشخصي او الهلسي فهي سبور هوت سبوت هلس، راشقه في اي جنان ، مقطعة بطاقتها مع الهلس، أشبه بالعربيه الي مركبه يجي ميت سماعة وماشيه، جميع الالبومات لكل المطربين عندها،إنجليزي عربي فرنساوي وألماني كمان تلاقي، دايما عندها جديد، جيب السبع ميخلاش. متدبرة جدا بشكل يغيظ، اشي كل شويه نظارة جديدة، ساعة جديدة، تيلفون جديد، ده غير الاكساسوري، ملكه متربعة على عرش الاكسسوار ، تعشق اكسسوار الحيوانات أشي فيل في دالية، وسحلفاه، وبومه تشاركها في الأخير دينا طلعت، في اللبس بقى داليا مبتهزرش، طول الشهر تعمل اوردارات للبس، تقبض المرتب، باباي مرتب وقتي. حفتقد كتير عدم وجودك في المكتب، مش عارفة حتكلم مع مين انجليزي، انتي عارفه ان دينا ورندا بيقفولي على الواحدة اكنهم ديكشينوري، مفيش قدامي انا وهبه نتكلم إنجليزي اهو نعمل باركتيس مع بعض. كل سنه وانتي طيبه العمر الطويل ليكي