yasmine abdelaziz

انتشرت الايام الي فاتت حوار البنت اليزيدية الي قابلت السيسي، وطبعا لجهلي الشديد كنت فاكرة ان اليزيدية بلد في العراق زيهم زي الاكراد كده، هما صحيح اكراد بس مش بيحبوه ان يطلق عليهم انهم كرديين بل يعتزون انهم يزيديين، الي هي ديانه. هما موحدين بالله الحمدالله، وعارفين ان فيه حساب، ويوم قيامة، وبيحجوا، ويصموا ويصلوا ويتجوزوا، وكتاب مقدس، ومكان مقدس، وطائر مقدس، ايون طائر. كنت اتمنى اني الاقي معلومات في كتاب اسلام بلا مذاهب لدكتور مصطفى الشكعة، لكن اليزيدية لم تكن في كتابه. اهم ما لفت انتباهي في هذه الديانه بعد الدقيق والتمحيص في كل المواقع، والدخول على مواقع خاصة بهم، وصفحات السوشيال ميديا التي تمثلهم، وايضا انتقلت لبروفايلات يزيديين في العراق، واكتشفت الاتي وبرده الله واعلم،  بس حبيت ان اشاركم بالمعلومات دي: - 80% منهم في العراق غرب الموصل في مدينة سنجار،وشمال الموصل حول وادي لالش. - اصل ديانتهم تعود الي قبل ظهور كل الاديان حسب معتقداتهم، حيث يعتقدون انهم ابناء ادم فقط دون حواء (حاولت اعرف ازاي فكرهم وصلهم لكده اتصدمت: ادم وحواء اختلفوا، كل واحد حط شهوته في اناء، بعد...

٢٦ ديسمبر عيد ميلاد خيبرة الموضة والتجميل المحلية وعقبال متوصل للعالمية كنزي سليمان، وايضاً الكو فوندر لبيرل إكسيسوري. منذ نعومة أظفارها وهي تتبع جميع احداثيات الموضة ، ملمة بكل (التيبس والتريكس) للمكياب ولا اكنها امينة شلباية عصرها. البهجة والسرور تتلخص عند ملكة الانتكة في ان رسمة (الايلينر) مضبوطة اوي المرة دي، وإذا يوم هاجمها شبح الگاءبة، ده احتمال كبير يبقى ضفر انكسر. لو مكياچك مش مظبوط حتواجهك، ولو مظبوط حتحل البركة عليكي. لو قبلتك مشاكل زي ان شعرك مقصف اوي، ما عليكي غير انك تكليمها وهي حتقولك على وصفاتها السحرية لحل المشكلة. بتقرقضي ضوافرك ونفسك في حل، حتدلك على المكان الصحيح الشهير بالتخصص ده، تروحي بقى تظبطي ضوافرك وتحطي ضوافر كمان ومتنسيش تدعيلها. اجمد انواع الروچات واقلام الحواجب، الروچاچوه، وطبعا البيز والفونديشين حتلاقيه في شنطتها، وبرده احلى برفان في شطنتها، من الاخر كده كنزي متقدرش تمسك عليها حاجه. الموضوع غير مقتصر على الميكاب، ابسولوتلي، مجلات بيوت الازياء العالمية بتبعتلها تستفيد من خبرتها، ده الغير اللبس والعطايا الي بيبعتوها، امااااااال، إنتوا فاكريييين ايه، دي مشششش...

أحلامك وكوابيسك التي تنتفض بسببها أثناء نومك ان كان لها دلالة على شئ فهو انك لامؤاخذه مش متغطي كويس، او انك دبتها ودخلت تنام، وده الي حصل معايا ليلة امبارح.  مشهد سينمائي ربما مؤخود من فيلم لستيفن كينج، طريق طويل معتم، جانبي الطريق أشجار كالتي كانت في فيلم لورد اف ذا رينج، مطر منهمر دون توقف، رياح غاضبة وقاسية، صوت الرعد يعزف سيمفونية مرعبة، برق يضئ الطريق كل فترة ليكشف عن بيوت على طرفي الطريق. ورجل تجاوز الستون يخطو امامي حاملا طبق ملامين مغلف بورق فويل.  أخذتني قدمي له، اصل مفيش غيره في الحلم ده، لسه حسأله ايه ده، لقيته بيجري مني. لم اعره اهتمام وتبعت المضي في الطريق، في اقل من دقائق، السماء صفت من السحب الممطرة، الشمس اتخذت مكانها بكل وضوح والقوس قزح بجانبها يزين السماء، منظر يؤكد ان لا اله الا الله.  بعد ان ازحت عيني عن السماء لقسوة ضوء الشمس، وقعت عيني على اهوال، المياه تصل الي ما فوق الركب، سيارات غارقة، غطاسون يحاولون تسليك البلاعات، أسلاك أعمدة الانارة شرارتها تقتل الأطفال، بيوت بأثاثها غارقة، رجل يلطم فوق سيارته الأجرة ويموت بسكته قلبية، وآخر فتح الله له  با...

قواعد الام الأربعون اليومية: ١- ايه الي صاحهم😴😴😡😡الساعة ٦ الصبح...... استغفر الله العظيم ٢- كمل اللبن ياحبيبي 😬😬😤😡🍼🍼.....استغفر الله العظيم ٣- مفيش لعب دلوقتي، في نوم الساعة ٦ونص😭😡😴.... استغفر الله العظيم  ٣- نام ياحبيبي نام وادبحلك جوزين حمام😁😡😴.... استغفر الله العظيم ٤- خفيت فين الريموت😯😬😡.... استغفر الله العظيم.                  ٥- عايزه اشرب النسكافيه☕️😠..... استغفر الله العظيم  ٦- العيش كله على الارض😤😡😫.......استغفر الله العظيم ٧- سيب الكبس 🔌😡😠.... استغفر الله العظيم  ٨- محدش بياكل كلينكس😡😧😟..... استغفر الله العظيم  ٩- وريني بقؤك فيه ايهههه؟؟؟😡😡😡...... استغفر الله العظيم  ١٠- ابعد عن السلم😡😱😱😱😤😭.......استغفر الله العظيم  ١١- ماتناموا شويه بقى💤💤....استغفر الله العظيم  ١٢- ايه الريحه دي، مين فيكو الي عملها💨💨😷😷😷....استغفر الله العظيم  ١٣- هو انا فاتحه براعم دي لنفسي😡📺🔊........ استغفر الله العظيم                 ...

لا مش انا ابكي ولا انا اشكي ، عجبتني الودان دي، مش اي حد يحب الاغنيه دي، دماغ متكلفة متسلطنه متودكه في الموسيقى الراقية. المكان معهد الانتاجيه والجودة ٢٠٠٧، بنت لسه متخرجتش من الجامعة، معرفش بقى نظرا لشقاوتها ابوها قال يحجم لجامها ويشوفلها شغلانه ولا ايه، داليا الدفرواي، اختي الصغيرة، رفقية الكفاح، زميلة مكتب اللاب او حقل تجارب الفئران الي كنا قاعدين فيه، بس الحمدالله ربنا كرمنا بمكتب محط أنظار كل مكاتب المعهد، لكن يشاء القدر ان تغادر وتتجه الى ميامي حيث الكافتريات المتنوعة أشي توست وروزبيف، وجبنه سايحة، وكلب ساندويش،  وبيتزا بدل بيتزا فتح الله الغارقه في الزيت، والله وبضيتلك في القفص يادي، اي نو ايم تو ليت، بس زي ما بيقول المثل الامريكي الشهير ليتر بتر ذان نيفر، هاذي باذي يويو دي. داليا لم تعطي مجال لأحد ان ينظر لها نظره الفتاه المدللة، فهى شخصيه يحتذى بها، قويه، طموحه، سريعة التعود والتأقلم على اي شئ، حمالة آسية، قراراتها متهورة، تذكرني بالڤنتا في انتفعالها، اذا تم رجها تحدث فواران غامر ولا يمكن السيطرة عليه الا ان تهدا هي بمفردها. في ذلك الحين يسيطر عقلها على لسانها وتنطلق في طر...

انا دانا انا دندن فتح عينك تاكل ملبن، اول حاجه جت في بالي زي النهارده لما صديقة الطفولة ولدت بنتها دانا، مع العلم ان سونارات اسكندرية كلها احتارت في امرك يا دندن وكانوا شايفينك ولد، ولكن بحمد الله تم التأكد من انك بنوته.  وانا أمك بطننا كانت بتتكلم عنها هيوتسن كلها، وي بيين ثرو الوت، مولات، شوبينج، ستار باكس، وديكافينيتت كوفي، لسين تو مي اوباما، ده غير يوم الحموضة العالمي، بسبب اكلت سجق متحبشه تحبيشة بنت حرام. بس أمك يا دندن كانت الاستايلش برجنينت اون آرس، حاجه اخر الاجاه، وبنفس المنطق كانت بتعلمك شوبيج ولا اجدعها استاليست، كان في ميخيلتها تنافس نورث وست بنت كيم كارداشيان. صحيح انك نبر تو، بعد ما كان بتاع الكوكو بالصوصو فريد بيه على الحجر، وكان ولا بالطبل بالبلدي حد يحل مكانه عند مامتك، ولكن عند مجيئك اختلفت الموازين، واثبتت أمك ان قلبها يساع كل فلاذات أكبادها. بغض للنظر عن مزاجك المتقلب وميولك الي باينه من عينك في الشقاوة، ودماغك الناشفة وعندك في الرضاعة، قال ترضع بليل وبزازة الصبح ولا العكس مش فارقة، جايبه الدماغ دي منين يادندن، دي أمك واحدة ست قنوعة راضية بنصيبها. مش عايزكي تقول...

في ظل ما يشهده الفيس بوك من فيديوهات متداولة حول شرشوحة المطار، او سيدة المطار كما اطلقت عليها وسائل الاعلام، والتحية العسكرية الي كتير حطها على البرفايل بيك بتاعته تقديرا منه لرجل الشرطة الي المفروض لا يوصف غير باللطخ.  من موصفاته: يتغذى كائن اللطخ على الناس الي زيننا كده يجد منا ارض خصبة لفرد عضلاته، وكنش وشك، ويخدك غسيل ومكوى وهو الي يقلعلك ملط لو تطاولت عليه - انا عارفه ان مثل هذا الكائن اللطخي يوجد منه العديد ولكن ليس كل رجال الشرطة مثله -. نرجع تاني للكائن الي أدى دور ضبط النفس لأعلى مستوى،  اوسكار  لضبط النفس، لكن ليه ضبط النفس؟؟؟ دي بتقولك اقلع ملط، ولا انت عارف هي مين وبنت مين ومرات مين وامها متجوزه مين، الشرشوحة ليس عليها اي خطأ، بالعكس دي مشكورة اوي، مشكورة لانها عرت الكائن  وعرفته حجمه، وهو انه ميقدرششششش، ايوه، ميقدرششششش.  هي ولا كانت سكرانه ولا مببلعة حاجه، مش معنى كده انها شريفة، مين منا ميعرفش حد سواء من بعيد او قريب ستايل لبسه كده وستايل حياته سهر ورقص وبحر وتيكيلا وبرندي وفودكا، مش دي القصة.  الموضوع ببساطة انك لازم تغمض عينيك وتتخيل ...

صباح يوم السبت الموافق 26-4-1986 شهد العالم اكبر كارثة نووية وهي كارثة تشيرنوبل،مأساة حقيقية عاشها سكان مقاطعة كييف في اوكرانيا ، انقطاع للتيار الكهرباء وجميع موارد الطاقة، تعطل في المصانع، وخسارات مالية تقدر بالمليارات، وبالطبع راح في الرجلين 36 واحد من زينة شباب كييف، ده غير اصابة 2000 شخص يعني الدنيا يوميها انقلبت رأسا على عقب، زي الي حصلي بعديها  بيومين بالضبط 28-4-1986، بعد ما كنت الكل في الكل، ومفيش غيري على الحجر، دلوعة ماما وبابا، اول ما رأت العين، كل ده في اليوم ده اصبح "مبلاش نتكلم في الماضي....ده الماضي ده كان كله جراح".  كائن اقرع الشعر اجرودي، اولى انجازته في عالمنا اطلاق سائل البيبي على احدى الممرضات الفرنسيات.عمر عبدالعزيز محمود، الم تكتفوا بي يا أبي ويا أمي، الم أملئ عالمكم، ولا هي رغبة الاهالي المصرية انهم لازم يجيبوا الواد، مجتمع ذكوري فعلا. انا لااتذكر شيئ ، لكن كانت هناك اساطير تروى لي، واولى هذه الاساطير ان هذا الكائن عنيد من يومه، جهاز السرينة مركب في اخر حلقه وهتيا عياط واللغاليغ رايحه جايه. الرضاعة لدى هذا الكائن بمواعيد محددة وليس عشوائي، واذا د...

ليدز اند جينتل مان ، السيدات والسادة الكرام رواد السوشيال ميديا، وجميع ساكني الفيسبوك الاحباء، اكتب مقالتي تلك، وصاحبتها ليس في الجوار، ذهبت لتقضي اجازة عائلية في البلاد التي احتلت مصرنا لسنوات عديدة، مشت في في شوارعها وازيقتها، وتبضعت من مولاتها، وهاهي قادمة غداً، مدام دينا عبدالرزاق ،زوجة المدعو عبدالله نوفل مزدوج الجنبية، ام أمل نوفل بتاعة التوتيز وبلح السام، ٢٤ ابريل، النهارده يعني، عيد ميلادها، برج ثور اصيل من ساسه لي راسه، انا لا اتذكر متى أصبحنا أصدقاء، او نقطة تحول صدقتنا من اصدقاء عاديين الي ان أصبحنا كالأخوة، المهم في الموضوع ان في حاجات حبيت أنوّه عنها في ذكرى هذه المناسبة السعيدة، اكملت دينا عامها الواحد والثلاثون، يعني في مرحلة الي بيروح مبيرجعش، في حاجه فيها غريبة او بمعنى ادق متناقضة، يعني تحس لو دينا في عالم تاني كان ممكن اوي تكون معلمه ويكون اسمها قدارة او ست الحته، حاجه كده، ست الحته دي عندها قهوة ملك ومسيطرة على اهل الحته كلهم، وبيتها مفتوح لحل مشاكل ستات الحته، لكن في حاجه ملجمة دينا من ممارسة هذا النمط الدنيوي، وهو ان دينا في نفس ذات الوقت بتبخ منها روح أرستقراطية،...

هناك الكثير يمتلكهم الريبة الشديدة عند تلفظ احد أمامهم بهذا الاسم، البعض لا يحب الخوض حول مايدور بخصوصه، ويكتفون بالنظر في الفضاء حتى لا يلتقط هذا الاسم تردد صوتهم اذا خاضوا في الحديث عنه، نعم تردد صوته، لان صاحب هذا الاسم يمتلك صفات خاصة بجني قديم كان يطلق عليه اسم يصفيديش، ولكنه من الجني الطيب، وكما تعلمون الجن صاحب قدرات خارقة، وقد ورث هذا الاسم العديد من القوى الخارقة، فهو يعرف دبة النملة، لايمكن لشيء ان يعترض معرفته باي شيئ، تررعع هذا الكائن الذي لا اريد ان اذكر اسمه حتى انهي المقالة في شمال لوران ، وله قرين اسمه افريسينج، لازمه منذ طفولته، واعطاه اسرار كثيرة تتعلق بالعالم السفلي، وكان يساعده في كثير من الامور، وعندما نضج صاحبنا هذا اختلف بعض الشيئ مع قرينه ، لان الاخير كان لا ينفذ اوامره، وكان يريد ان يكمل مشواره الرياضي في السباحة، ولكن ضغط عليه حتى توقف افريسينج عن حلمه ، وبدأ مباشره اعماله التى كان يعده لها طيلة هذه السنين، وكانت اول اوردر له عملية بسيطة جدا وهى دراسة احصائية عن كل اسرة في الاسكندرية من شرقها لغربها، كم عدد الاسرة ، العنوان، اصول هذه الاسرة، وكيف جاءت الي ال...

كل منا يحمل داخله صندوق ذكريات يتذكرها كلما نبش احد في صميمها، وكل منا لديه ادراج تراكمت الكراكيب بداخلها، ولعل لفظ كراكيب يقلل من شأن ما يمكن ان تحمله الادراج بداخلها، ولكن هذا ما يطلق عليها، لذا سوف افتح احد هذه الادراج التي امتلئت وجاء يوم التعرف على ما تحتويه، انت سيد قرارك، الدرج امامك والملل خلفك، ضع النسكافيه جانبا، واغلق القنوات الاخبارية الكئيبة الي بترفع ڤولت الضغط، وسيبك من اي فيلم حيبدتي على ام بسي مكس، واوعاك تقرب للفيس بوك والتويتر لان دول مساعدين للقنوات الاخبارية لو منجحوش في رفع ضغط دمك، فقط ايقظ ڤيوزات مخك النائمة وتذكر، طبعا بلا شك كم هائل من إيصالات المياه والكهرباء الي ملهمش اي تلتين لذمة غير لو حطلع كرديت كارد، الي الزبالة مسكنهم الجديد ، اهو تساهم في اعادة تدويرهم يكونوا ورق كشاكيل مدارس ويبقى اسمك ساهمت في رقي التعليم المصري . اوراق مالية من البنك الحظ، وذكريات لما كنت تشيلها في جيبك على انها فلوس حقيقية. كارنيهات نادي قديمة واشكال لا تسر عدو ولا حبيب. صورة قديمة لواحدة شبة الملكة فوزية اخت ملك مصر، تدقق فيها تلاقيها مامتك، طب ايه الي حصلها،معقول من الويل الي شف...

في ضوء استقبال السنة الجديدة والاحتفالات التى سبقت الدقائق الاخيرة في ٢٠١٤ ومع فجر ١-١-٢٠١٥ بدأنا السنة الجديدة ولكنها بداية محملة بالرياح والاعاصير والامطار والعواصف الرملية والثلجية، سنة تو كولد ،، السقعة للركب ، مفيش حاجة الناس في سيرتها غير السقعة ومفيش شغلة ولا مشغلة غير الكلفتة داخل لبس البيت كله والدخول تحت الباطنية مع اصطحاب القربة صدق الي قال الدفا عفا، وطبعا مش ممكن ننسى رقائق الشبسي والشكولاته،  ما علينا من السقعة ، الاحداث مع بداية العام الجديد كانت مثيرة للجدل ، احداث سياسية  ورياضية وفنية ، لكن الشئ المثير للجدل حقا هو حصول كيم كارديشان على لقب هوت اند هوت  المركز الثاني، تاليها في المركز الثالث كارول سماحه ، واحتلت المصرية نيهال الشايب المركز الاول، مش جديدة على المصريين انهم يتصدروا المراكز الاولى دائما ، ويالها من كوينسيدنس ان يكون يوم حصولها على لقب هوت اند هوت هو نفسه يوم عيد ميلادها، ، ونقلا عن مجلة شوجر لاند اشار الصحفى الامريكي فرانك ابن ويلز ان للمرة الاولى تفوز مصرية بهذا اللقب وانه لم يكن على دراية بمدى الجمال التي تحمله المصريات وان بمجرد سماعه ب...