yasmine abdelaziz

الارض كندية والاصول مصرية لبنانية واكتوبر شهر ميلاده والنهارده عيد ميلاده، في ظل المورستان اليومي الذي اشهده كل يوم اكتب لك هذه السطور عزيزي وابن اخي احمد عمر عبدالعزيز ايها المايتي كيوت والسوبر لفلي كيد اليك بعض النصاءح، مامتك ايه كيه ايه هوت سبوت قلبي لما تبعد عنك وتروح الحمام او المطبخ هي مش مهاجرة دي جايه تاني، يعني حتسيبك وتروح فين، فامفيش داعي للكستريم في العياط والمرمغة في   الارض وشغل الذي فقد عقله، هل   يمكن ان تبدأ   صباحك دون احداث   حالة   من   الهرج   والمرج والفوضى   العامرة، مش لازم تجيب عاليها وطيها كل يوم، يعني سيب الحاجات الي على الطرابيزه في سلام يوم واحد دول حتى ملوا من رميهم وحطهم تاني مكانهم،وعندما ياتي المساء في تمام الساعة الثامنة مساءاً وياتي وقت نومك تم وضع خطة روتيتنية محكمة بشأن ذلك من قبل الست الوالدة وهو دوش مع بعض الالعاب المصاحبة لك داخل البانيو من اجل متعتك الخاصة ثم ياتي بعد ذلك تجهيز بزازة اخر اليوم التي قد تحتوي على مواد مخدرة في ظني بناءاً على حالة الغيبوبة التي تصيبك اثناء تنوالها وفي هذا الوقت ...

بكرا الجمعة مفيش حاجه اتفرج عليها اي فيلم مسرحية اي حاجه، العيال نامت، والكابتشينو لسه  سخن، عايزه اقوم اغلي مياه، صوت العياط لايفارق وداني ،عادل جابلي ورده، بقيت باكل بسرعة البرق زي بيبا ، البت مشيره الندالة عنونها، ماما في الساحل وانا بكرا لوحدي ، البت الي بتجيلي كل يوم اقولها اغسلي ايدك قبل ما تمسكي العيال تقولي انا متوضيا قبل مانزل ، الوضوء حلو مفيش كلام، الكابتشينو برد، صاحب السعاده خلصت اتفرج على ايه، عادل بيسألني انتي متابعه موضوع كاباين المنتره ، اجبرني على الضحك وانا مفيسة، الليفينج روم شبه دريم بارك، لولوس وسيف كبروا اوي مشاء الله، بابا لو شاف الي انا كتباه حيقول عليه بيبي قطط ، عادل لقى نفسه في جروب مدرسته وفاتح الصفحة وهتيا كتابه، عبدالرحمن جاه خد مني ١٠٠ جينه، يااااااي بكرا ارب ايدول، اخر رشفة من الكابتشينو، هو ايه موضوع رينيه زيلوجر ؟ عادل جابلي ورده، ابن الجيران اسمه سليم رمى فلوس جده من الشباك، اعلان فريسكا بتاع دييجو والفخاد  ف(&&&$ ، ذات مومنت لما تسمعي صوت حد من العيال بيعيط تقومي فازة من مكانك بس يتطلع سليم ابن الجيران، الواد ده منمش ليه ، وانا ...

الساعة التاسعة بتوقيت ولاية تكساس، يوم الخميس الموافق ٥-٦-٢٠١٤، درجة الحرارة ٢٧، معلش بحاول احطكم في المود معايا، بعد صراع ليلي مع صديقي الصداع النصفي قلت مبدهاش أقوم اصحي وأبدا يومي، دخلت الحمام والنوم لسه جوايا بكل جوارحه بيترجا فيا اننا ننام شوية، قلتله وانا كلي حزن نوم ايه  الي انت جاي تقول عليه، غسلت وشي وسناني واتواضيت، ومسكت الفوطة ومسحت وشي وتنحت شوية في المرايا وعيطت، تبا لكي يا هرمونات الحمل، لااااا دي مش الهرمونات، بكرا ٦-٦ بكرا ميعاد الولادة، بكرا اول لقاء، بكرا نهاية رحلة دامت ٩ شهور، بكرا نهاية علاقتي بصور السنوار، بكرا الوضع صوت وصورةً واقعية، بكرا نهاية الحموضة ، وداعا يا تامز ويا زنتاك، بكرا نهاية التقل،بكرا حشوف سورتي تاني ، بكرا نهاية الانتفاخ، بكرا احتمال لسه معرفش تبقى نهاية الصداع، بكرا ياسمين راجعة تاني، مع نطق تفكيري هذه الجملة الاخيرة، ابتسمت انا مش راجعة تاني ياسمين البنت والآنسة والمخطوبة والمتزوجة، مش راجعة تاني حبقى ياسمين برده بس في شكلها الأخير ياسمين الام، بكرا اول مسكت أيد وأول نظرة وأول ضمة، للحب الغريزي، للحب من غير ماابوح بيه باين وضوح الشمس، اين...

بناءاً على رغبة جماهير المجتمع السكندري  وبناءاً على الطلبات المتزايدة بخصوص كتابة تلك المقالة، مع ان وضعي الحالي لم يكن ليسمح لي ان اكتب هذه السطور، لكني رأيت انه من الواجب علي تلبية مطالب الشعب، وبما ان الشعب يريد وبشدة تلك المقالة فلبد من تلبية مطالب الشعب، لذا قررت ان أتخلى عن اي ذرة الم اشعر بها وان اترك العنان لأفكاري واكتب مقالتي التي ينتظرها الجميع، نعم انه اليوم، لقد جاء اليوم الذي انتظرته الملايين ٢٣-٥، عيد ميلاد جوزاءية البرج، مزاجية المود، غجرية الشعر، خمرية البشرة، أنيقة المظهر، ملوخية المأكل، كويتية الإقامة، عفوية اللسان، ومدب في بعض الأحيان، شريرة الأفكار، قوية البدن، سموحية المسكن، شهوانية الأكل ، اسكواشية الرياضة ( مؤخراً)، سلفية الصور (ايضاً مؤخراً)، فترينية الملبس، معادية الفاكهة، سوشيوليزية الحياة، تريوسية العربة، شعبية الموسيقى، زبالية المواعيد، نعم انها هي سارة الالفي متزوجة منذ ٥ سنوات وأم لحسن ذو الثلاث سنوات، سوسو بيبي مش عايزكي تزعلي دي رغبة جماهير المجتمع السكندري بأكمله، المجتمع الي بتحبي تغوضي فيه وتسوشيليزي معاه هو الي نادني وطلب مني توضيح بعض النقط بخ...

أعزائي مستخدمي شبكات التواصل الاجتماعي وكل مستخدمي كارت مباشر لمتابعة البورصة ومشجعين نادي الزمالك، الي كل من رفع شعار الله الوطن الزمالك، ومحبي شيكابالا، وإلى هواة مشاهدة متشات الكورة القديمة والمعادة، كل من هو بلاك ليستد كستمورز في فودافون وتي اي داتا، وكل من تربى على اغاني الكينج محمد منير، وجميع خرجين مدرسة العباسية للمتفوقين وجميع مشاهدين ومحبين فيلم الرسالة ومدرسة المشاغبين، وجميع خريجي هندسة الاكاديمية العربية، أود ان أنبهكم ان في مثل هذا اليوم ١٤-٤ ومنذ ثماني وثلاثون عاماً جاء الي كوكب الارض مولود ذكر اسمه عادل محمد صادق رجب وكانت الاسكندرية محل ميلاده وكان الابن البكري، وليس اي بكري، ده بكري وبعديه بنتين، هناك مثل شهير دائماً اسمعه يتردد ويقول"تعرف فلان، اه ،عاشرته، لا، يبقى متعرفوش"  وانا من موقعي هذا بعد سنة خطوبة وبعد زواج طال اربع سنوات حتى الان أستطيع ان اكون بعض الجمل والكلمات لوصف هذا الرجل، عادل ليس كمثله احد، عند الحديث عن عادل لابد ان نعلم من هو هذا الرجل، عادل رجب طويل القامة مهيب المنظر يتخذ من فريد شوقي ومحمود الميليجي وغسان مطر مثل لماسكات الأدوار الشري...

حدث في مثل هذا اليوم  ميلاد انسانة رقيقة المشاعر، مرهفة الحس ، صوت  ملاءكي ،  قلب دافىء وحنون،   عينان حالمتان مغمورتان بكل معاني الحب،  هي من قالت وبتسأل ياحبيبي بحبك قد ايه.. بحبك يا حبيبي بالعالم واللي فيه بالشمس والقمر.. والنجمة والسهر.. والنسمة والسفر.. بالبحر والشجر .. ده حلم أنا عايشة بيه، ايوه هي عفاف راضي صاحبة اجمل اغنية للتراث  الطفولي وهي سوسة سوسة سوسة، سوسة كف العروسة، والي يسقف يأخذ مني بوسة، هذه السيدة الفاضلة من مواليد ١٢ مايو، ويصادف انه في مثل هذا اليوم ايضا عيد ميلاد الست الوالدة يالها من صدفة سارة ان يوافق عيد ميلاد أمي عيد ميلاد الفنانة العظيمة عفاف راضي، طبعا أمي هى محور المقالة النهاردة،  أمي السيدة لبنى جلال علي حسن العدوي ، تنحدر سلالة الست الوالدة من تونس يعني برشا برشا يامدلل حبك على قلبي اتسلل ، بنت على ٣ صبيان يعني دلوعة بابا مش دلوعة ماما اوي نظرا  لحب والدتها لاخواتها الصبية أكثر، خريجة E.G.C ، وكلية آداب قسم إجتماع ،تتمتع أمي بجمال زبيدة ثروت ولبنى عبدالعزيز  ولكنها اجمل  منهم بمراحل، الشعر الأسود الغجري...

سعادة معالي المدام الدكتورة نهى عادل سالم، تحية طيبة وبعد، يسعدني ويشرفني ان احظى باعجباك بكتاباتي المتواضعة، مما جعلني اود ان اشكرك  عبر هذه الرسالة، ويصادف ان اليوم ايضاً عيد ميلادك، يالها من مناسبة سارة، تستدعي ان نقف بجوارك كي نشد من أزرك وتتقبلي قكرة انك كبرتي سنة، وان السنة دي مش حترجع تاني خلاص، السنة الي فاتت بتطلعلك لسنها وبتقولك جيم اوفر يادكتورة نهى، انا مش جايه اقلب عليكي المواجع، بس حبيت افكرك ان الي بيروح مبيرجعش، يعني ذكريات الماضي  الي دايما تحبي تسرديها في المكتب عن ازاي كنتي تمتلكي اشيك 7 شنط واشيك 7 جزم، واشيك 7 اي حاجة، وازاي كنتي ملكة عصرك واوانك، وازاي كنتي وردة مفتحة قبل الجواز وبعد كده اتكحرتي واتبهدلتي واتشقلب كيانك، كل ده بووول شيت، كل الناس مرت بنفس الظروف المؤسفة دي، يو ار نوت الون you are not alone، (على سبيل المثال وليس الحصر رنداه طلعت)، ومن تصحف سي في حياتك أحب ان ألقي الضوء على بعض الأشياء التى استوقفتني واضحكتني اين ذا سيم تايم in the same time ،    مواليد  ٧٧ يعني السادات والانفتاح، الشياكة مازلت على خريطة حياتك لكن ...