yasmine abdelaziz

لكل زمن معجزاته ، هناك معجزات تاريخية وفكرية وإلهية ،توارثنها اباً عن جد، هناك بعض التحريفات بها، لان كل منا يتدولها مع الاخر باسلوبه الخاص ويمنح للمعجزه التاتش بتاعه من وجهة نظره، معجزة اليوم هي طفل مولده اليوم، هو معجزة بكل المقاييس وهذه قصته دون تحريف،. ٨ نوفمبر اعطى الله الامر لملك الارحام ليبسط جناحيه لفريد ياسر سنبل عند خروجه من رحم امه، جاء الى الدنيا فريد وهو اسم على مسمى، والتهاني والدعوات انهالت على ابويه، اللهم زد في عمره، اللهم اجعله قره اعين لهم، اللهم ازرقه الرزق الواسع، اللهم بارك فيه واجعله من الصالحين، مبروك يانينو ماجالك، الف مبروك يا حبيبتي ويلكم تو ذا كلب، الف مبروك تو يو اند ياسر عقبال ماتخاوه، وهلم جر، عدت ٣ سنين ، والمخلوق الي كان في اللفة بقاله صوت وشخصية، شخصية مثيرة للجدل، فريد يعطي انطباع انه الهدوء بعينه ولايتكلم كثيراً مع من لا اعتاد على رؤيتهم، ولكن اذا اعتاد على رؤيتك ، فهو يتحول الى خالتي اللاتاته، فريد في مرحله " ليه" و " ايه ده" مرحلة تحتاج لرابطة جأش رهيبة حتى لاتفقد السيطرة على نفسك، بس في الاخر مرحلة وحتعدي يانينو، المصطلاحات الت...

حبه فوق حبه فوق وحبه تحت حبه تحت ،غرامك مزيف ضميرك عدم هوايتك عشقتك كرهتك نعم، رايه في البالكونه شاره على العربيه زملكاوي وعيلتي كلها زملاكاوية، فيها حاجه حلوة حاجه حلوة منا،  ايه الاسا توك ده الي ماشي يتوك ده، رجعوني عينيك لايام الي راحوا علموني اندم على الماضي وجراحه ، قلبي دق قلبه هو ليه مادق ولا قال حبيت، كوليكش مضروب في الخلاط ما بين السكلنس والسلطنة وحاجات تانية كتير تخيل ان في شخصية كده ، ايون، هي دينا فاروق طلعت ، ام حسين وعبدالرحمن ، ايتش يور بيرش داي، ايتش يور بيرش داي، وانا بمناسبة ديا عايزه اتكلم عن دينا الانسانه، وبعد عدة استطلاعات للرأي وادخال البيانات على الاس بي  اس اس ، ظهرت النتاءج التالية دينا شخص طيوب ، شخص حبوب ، شخص كيوت، شخص حساس ودمعته قريبة، ايه الكلام الي لا يودي ولا يجيب ، انا بقول دينا الانسانه تقولي الكلام الفارغ ، اذا كنت تريد حقا التعرف على شخصية مدام دينا برجاء الاتصال على الخط رقم ٠٩٠٠٧٧٧ او تيجلي وانا اقولك ،  دينا لا يمكن ان تكون شخصية عابرة في حياة اي فرد ، مفيش حد يعرفها ومتكنش عملة بصمة في حياته، هي شخصية منتشية الحيوية، رايحة جاية، ...

٢ نوفمبر ، يوم ليس كأي يوم ، ففي ذلك اليوم تم تتويج هيلا سيلاسي امبراطورا على اثيوبيا ، سنة ١٩٣٠، وكان يوم ذو طابع خاص تجمع كل الاثيوبيين بملابسهم المبهرجة وكل منهم  اصطحب ابنه الاثيوبي الصغير كي يشهد ذلك اليوم ، وتدون ذاكرته ملامح هذا اليوم الذي يكتب للاثيوبيا تاريخ جديد، مع انه كان ملك من سنتين بس، لكنه عجبته كلمة امبراطور ، قال لابد من حفلة تتويج للقب الجديد، ووقفت بجواره وساندته في قراره زوجته منن، بس ان جيته للحق الراجل مخدش اللقب وركن وقعد على الكرسي، لا، ده عمل شغل جامد ، اول دستور كان في عهده، ونعنش الحالة الاقتصادية والاجتماعية للبلده، الله يرحمه ويبشبش الطوبه الي تحت راسه، دي نبذه عن الاحداث ٢ نوفمبر ، استوقفني برده ان في اليوم ده ، كان مولد ماري انطوانيت الف رحمة ونور عليها، وانا بفر في مواليد اليوم ده، يوم تتويج هيلا سيلاسي، وجدت ان هوت سبوت قلبي اتولدت في نفس اليوم، يالها من صدفة تستحق وقفة، الهوت سبوت هي امل بدوي مرات اخويا، بس قبل متكون مراته هي اختى الصغيرة ، وده مش كلام وبس، اينعم ان وراها عيلة ممكن تقرقشني لو كتبت حاجه كده ولا كده بس انا مبيهمنيش #ايمان بدوي، امل ...